Principios éticos d’Asturies AEBE

 

• Asturies AEBE, como entidá ensin porgüeyu económicu, comprométese al trabayu solidariu pola meyor educación pa toles neñes y neños ensin esclusión. Los nuesos principios éticos son: 

 

• Enfoque proactivu, cultura de la ilusión y llinguaxe de la posibilidá pa la meyora socioeducativa y la tresformación social.

 

• Solidaridá, sofitu y ayuda mutua ente collacios y collacies pa tresmitir los aprendimientos sobre la escuela pola que tamos trabayando.

​

• Participación activa nes diverses propuestes y actividaes encamentaes por Asturies AEBE.

​

• Coherencia profesional y personal pal cumplimientu de los siete principios del aprendimientu dialóxicu.

​

• Compromisu cola investigación educativa d’altu impactu internacional.

 

 

Principiu de Violencia 0

 

• Garantizar l’ausencia de violencia en toles interaiciones y actos comunicativos ente toles persones.

 

• Asitiase siempre del llau de la víctima y de los que la sofiten, torgando asina l’acosu de segundu orde, na llinia de la socialización preventiva de la violencia y les evidencies internacionales al respeutu.

​

• Asegurar la llibertá d’interaiciones ente toles persones.

​

• Amparar a cualesquier persona que denuncie o se sienta víctima de cualesquier tipu de violencia incluyida, por supuestu, la violencia de xéneru (especialmente invisibilizada nel ámbitu educativu).

​​​

• Actuar en defensa de los drechos humanos y de la infancia y, poro, contra de tou tipu de machismu, racismu, antixitanismu, xenofobia, homofobia y cualesquier forma de discriminación y odiu pola razón que seya.

​

​

​

 

​

-----------------------------

• Asturies AEBE nun cobra por nenguna de les actividaes qu'ofrez rellacionaes con charres d'información, organización de cursos de formación y de Tertulies Dialóxiques presenciales o telemátiques nin por cualesquier otra actividá.

• Nos casos nos que l'Asocición dea dalgún taller de formación sobre Grupos Interactivos, Tertulies Dialóxiques y otres AEE al traviés de dalgún CPR (qu'exixen que'l ponente cobre una tarifa), la tarifa ye siempre la mínima afitada y, sacante la parte necesaria pa cubrir gastos de tresporte, el restu va destinao a mercar materiales para emprestar dende l'Asociación a los sos asociaos; por exemplu, exemplares de clásicos de la lliteratura o de la pedagoxía pa les tertulies, o exemplares de la bibliografía básica de les CdA y les AEE.

​