top of page
IMG_3207_edited.jpg
  • Facebook
  • Twitter
  • Instagram

¿Quién somos?

Asturies AEBE naz d'un grupu de docentes que quier esparder y ayudar a allugar n'Asturies les meyores evidencies científiques n'Educación col envís d'asegurar la meyor educación pa toos y toes. Una educación qu'incluya l'ésitu de tol alumnáu ensin esceición, que llogre'l máximu nivel académicu, en convivencia y col bienestar socio-emocional del alumnáu, les sos families, los y les docentes y tolos axentes implicaos.

 

1er Xornada de Coeducación basada n'evidencies d'impactu social.

Vienres 22 y sábadu 23 de marzo.

Inscripciones: https://forms.gle/48CCHaWxtp5SkNzF6

427957125_918193853639590_5280785734446759179_n.jpg

Fines de la asociación:

  1. Promover el drechu de que tou neñu y neña reciba les meyores actuaciones educatives contrastaes. 

  2. Dar puxu a espacios de diálogu y programes educativos pa promover una política educativa sofitada n'evidencies científiques. 

  3. Ameyorar la educación pa toos y toes fomentando y potenciando l'aplicación de les evidencies científiques avalaes pola Comunidá Científica Internacional. 

  4. Averar a la ciudadanía'l la conocencia de les actuaciones educatives con aval científicu y éticu nel mundu educativu. 

  5. Facer rede y venceyar, ente otros, a persones, entidaes, ya instituciones educatives por una educación sofitada n'evidencies. 

  6. Coordinar, promover y participar en procesos de formación del profesoráu y otros axentes educativos, d'investigación y d'ellaboración de materiales col envís d'algamar los finxos anteriores. 

Actividaes*

Pal cumplimientu d'estos finxos, ​l'Asociación fadrá estes actividaes:

  1. Promover, sofitar y esparder les iniciatives que compartan los finxos de l'Asociación: proyeutos y programes educativos, alministrativos, formativos, asociativos y sociales, asina como actividaes, congresos, xornaes y redes educatives y sociales. 

  2. Trabayar coles alministraciones, escueles, institutos, universidaes, asociaciones de families, grupos d'investigación ya instituciones educatives y sociales pa facilitar l'aproximación, l'afondamientu y l'aplicación, dientro'l sistema educativu, de les evidencies científiques pa fomentar la so formación y la so regulación. 

  3. Democratizar la conocencia xenerando espacios de sensibilización y formación ciudadana pa una meyora de la educación de calidá y pola escelencia de tol alumnáu sofitada na aplicación de les evidencies científiques que dan llugar a la tresformación social (igualdá d'oportunidaes). 

  4. Sofitar proyeutos educativos, asina como redes educatives basaes n'evidencies científiques como por exemplu Comunidaes d'Aprendimientu, la Rede de centros que apliquen Actuaciones Educatives d'Ésitu o otres que s'afiten nos muérganos de l'Asociación. 

  5. Crear y caltener un espaciu web que pueda remanar la Comunidá educativa colos recursos qu'enconten los proyeutos educativos basaos n'evidencies científiques. 

  6. Ente los finxos de l'Asociación alcuéntranse dar puxu y ayudar a poner en práutica les AEE nos centros educativos asturianos y en xeneral ente tola Comunidá educativa asturiana. Ente otres actividaes, les más averaes serán:

      • Tertulies Pedagóxiques Dialóxiques (TPD) ente docentes.

      • Tertulies Dialóxiques (lliteraries, musicales, artístiques, etc.) ente miembros de la Comunidá educativa.

      • Tertulies Dialóxiques intercentros col alumnáu voluntariu.

      • Charres d'información sobre les AEE realizaes por Asturies AEBE.

      • Talleres de formación entamaos por Asturies AEBE y conducíos pol grupu d'investigación del más altu nivel.

 

 

-----------------------------

*

  • Asturies AEBE nun cobra por nenguna de les actividaes qu'ofrez rellacionaes con charres d'información, organización de cursos de formación y de Tertulies Dialóxiques presenciales o telemátiques nin por cualesquier otra actividá.

  • Nos casos nos que l'Asocición dea dalgún taller de formación sobre Grupos Interactivos, Tertulies Dialóxiques y otres AEE al traviés de dalgún CPR (qu'exixen que'l ponente cobre una tarifa), la tarifa ye siempre la mínima afitada y, sacante la parte necesaria pa cubrir gastos de tresporte, el restu va destinao a mercar materiales para emprestar dende l'Asociación a los sos asociaos; por exemplu, exemplares de clásicos de la lliteratura o de la pedagoxía pa les tertulies, o exemplares de la bibliografía básica de les CdA y les AEE.

 

 

 

ESTATUTOS D'ASTURIES AEBE

bottom of page